Cuarta edición das bolsas da Fundación Caixa Rural Galega Tomás Notario
Cuarta edición das bolsas da Fundación Caixa Rural Galega Tomás Notario
Cuarta edición das bolsas da Fundación Caixa Rural Galega Tomás Notario Vacas.
A Fundación Caixa Rural Galega Tomás Notario Vacas publica a cuarta edición da convocatoria de bolsas para estudos de posgraduado. Este ano convócanse dúas bolsas cun límite máximo de dotación de 40.000 euros cada unha para a realización dun máster ou tese doutoral.
O requisito para optar a estas bolsas é ter un título universitario, ademais de vinculación con Galicia. Os estudantes poden ser recentemente licenciados ou profesionais que estean a traballar actualmente.
A selección dos bolseiros realizarase considerando a formación académica previa, a traxectoria profesional, o proxecto de estudos a realizar e a súa futura aplicación. O prazo de solicitude estará aberto ata o 31 de maio e as bases poderán atoparse na páxina web no apartado de convocatorias.
A Fundación Caixa Rural Galega Tomás Notario Vacas, creada en outubro de 2021, ten como obxectivo promover a investigación e a educación nos sectores agroalimentario e forestal, centrándose en estudos superiores.
Busca formar profesionais que contribúan ao progreso das actividades produtivas en Galicia, destacando a convocatoria de bolsas para estudos avanzados en centros de vangarda.
