Galicia impulsa a innovación agroalimentaria co proxecto agrifoodTEF

O Centro de Investigacións Agrarias de Mabegondo (CIAM) foi o escenario para a presentación oficial en Galicia do proxecto agrifoodTEF, que busca transformar dixitalmente o sector agroalimentario galego mediante tecnoloxías avanzadas. Organizado por AGACAL, Gradiant e DATAlife, este evento marca un paso importante cara á transformación dixital da industria agroalimentaria galega.

O proxecto agrifoodTEF conta cun orzamento total de 60 millóns de euros destinados a toda a Unión Europea para o próximos catro anos, involucrando a nove Estados membros e 30 entidades. España recibirá 5 millóns de euros, financiados a partes iguais polo Ministerio de Agricultura, Pesca e Alimentación e a Comisión Europea; mentres que o CIAM, en Galicia, contará con preto de 890.000 euros e Gradiant con 675.000 euros. A finalidade deste investimento é axilizar a comercialización de solucións dixitais que integren tecnoloxías innovadoras.

A xornada foi inaugurada por Manuel López Luaces, director da área de Formación, Innovación e Investigación Agrarias de AGACAL; Luis Pérez Freire, director xeral de Gradiant; e Lucía Castro Díaz, xerente de DATAlife, quenes destacaron o papel transformador do proxecto, que sitúa a Galicia no mapa europeo do sector agrotech. Tamén se mantiveron reunións bilaterais, onde as empresas descubriron os beneficios dos servizos ofrecidos por agrifoodTEF, ademais de realizar unha visita ás instalacións do CIAM.

A participación galega no proxecto

AGACAL (Axencia Galega da Calidade Alimentaria) asegura que as tecnoloxías se adapten ás necesidades do sector, mellorando a calidade e a rastrexabilidade dos produtos galegos. “AGACAL, a través do CIAM, pon ao dispor das empresas as infraestruturas e o coñecemento necesarios para testar e validar solucións tecnolóxicas para o campo”, declara o director do CIAM, Abelardo Nimo.

Gradiant, centro tecnolóxico máis importante de Galicia e un dos principais en España, ofrece a súa experiencia en IA e robótica para desenvolver e validar solucións que optimicen a automatización e a eficiencia nos procesos agrícolas. “Desde Gradiant achegamos o noso know how ofrecendo servizos nos que interveñen o uso de tecnoloxías de IA e Big Data, IoT, 5G e vehículos autónomos non tripulados no ámbito do sector lácteo”, apunta Luis Pérez.

DATAlife, como hub de innovación dixital europeo (EDIH, polas súas siglas en inglés), impulsa a colaboración entre empresas e sectores para acelerar a adopción de tecnoloxías disruptivas. Ademais, fomentará que as solucións testadas alcancen mercados europeos. Lucía Castro Díaz explica que “DATAlife dará a coñecer o proxecto agrifoodTEF a outros EDIHs dedicados ao sector agroalimentario, proporcionando unha conexión entre dúas iniciativas crave do programa Dixital Europe”.

Sectores crave do proxecto

AgrifoodTEF enfócase en cinco sectores crave do ámbito agroalimentario, onde as tecnoloxías de IA e robótica poden ter un gran impacto:

1. Agricultura arable: aplicación de tecnoloxías como o desmalezado selectivo e o geofencing para optimizar o uso de maquinaria autónoma e reducir a dependencia de insumos tradicionais.
2. Cultivos arbóreos: solucións de IA para mellorar o uso eficiente de recursos como fertilizantes e auga en oliveirais e hortos froiteiros.
3. Horticultura: uso de IA para equilibrar os nutrientes e garantir a calidade e o rendemento dos cultivos.
4. Gandería: desenvolvemento de aplicacións para mellorar a sustentabilidade na cría de animais, como vacas, porcos e aves de curral.
5. Procesamento de alimentos: tecnoloxías de rastrexabilidade e seguridade alimentaria que fortalecen a cadea de subministración, asegurando produtos máis seguros e sostibles.

Casos de éxito

AgrifoodTEF xa comezou a obter éxitos no uso destas tecnoloxías:

• Optimización de recursos en cultivos: en rexións mediterráneas, a IA permitiu unha xestión máis eficiente de fertilizantes, pesticidas e auga en hortos froiteiros e oliveirais, incrementando a sustentabilidade e produtividade.
• Gandería intelixente: solucións baseadas en IA melloraron a xestión de gando, reducindo o impacto ambiental e promovendo a produción de alimentos orgánicos.
• Rastrexabilidade na cadea de subministración: tecnoloxías que permiten unha maior rastrexabilidade dos alimentos desde a súa orixe ata o consumidor final, mellorando a seguridade alimentaria e a confianza do consumidor.