O Foro DATAGRI volve ser a capital europea do agrotech
Máis de 1.500 profesionais, 52 relatores de referencia internacional e destacadas personalidades do ámbito político e institucional daranse cita no gran evento anual da transformación dixital agroalimentaria
Imaxe da anterior edición
O Foro DATAGRI volve a Murcia os próximos 12 e 13 de novembro cunha nova edición do evento de referencia da innovación e dixitalización do sector agroalimentario en España e un dos máis relevantes de toda Europa. Por este evento pasarán máis de 1.500 profesionais do ámbito agrícola, gandeiro, tecnolóxico, universitario e institucional reuniranse para coñecer os últimos avances en agrotecnología, intelixencia artificial, sustentabilidade e xestión eficiente de recursos.
O encontro, que contará con 52 relatores de recoñecido prestixio internacional, abrirá as súas portas no Auditorio Víctor Villegas de Murcia, coa inauguración institucional a cargo de Miguel Padilla, secretario xeral de COAG e representante do Comité Organizador de DATAGRI; María Begoña García Bernal, secretaria de Estado de Agricultura e Alimentación do MAPA; e Fernando López Miras, presidente da Región de Murcia.
A primeira xornada abordará os grandes retos do sector agroalimentario nun contexto de cambio climático e dixitalización acelerada. Entre os relatorios destacados, unha conferencia maxistral analizará como a agricultura dixital pode transformar a produción global e fortalecer a seguridade alimentaria.
O programa incluirá tamén presentacións de startups innovadoras, espazos de networking e debates sobre gandería conectada, automatización, sustentabilidade, rastrexabilidade dixital e loxística agroexportadora, entre outros temas estratéxicos para o futuro do sector.
O segundo día do Foro, celebrarase nas instalacións do Instituto Murciano de Investigación e Desenvolvemento Agrario e Ambiental (IMIDA), onde se poñerá o foco na experimentación práctica, os datos abertos e as demostracións tecnolóxicas.
As persoas asistentes podrán visitar expositores e demostracións en campo, con tecnoloxías de vangarda como sistemas de alerta en maquinaria agrícola
A xornada abrirase cun acto institucional de benvida, que contará coa presenza de María González Veracruz, secretaria de Estado de Dixitalización e Intelixencia Artificial do Goberno de España, para continuar cun completo programa de sesións técnicas e actividades demostrativas que evidencian a conexión entre a investigación científica e a innovación aplicada ao campo.
Posteriormente, as Xornadas IMIDA centraranse na monitorización ambiental do Mar Menor mediante tecnoloxías xeoespaciais e a presentación de proxectos IMIDA_AGRITECH, orientados á sustentabilidade e a dixitalización da agricultura rexional.
De forma paralela, na Carpa Central e a Sala Ahogadero, celebraranse sesións prácticas e experiencias en dixitalización que mostrarán proxectos de xemelgos dixitais de rega, robótica agrícola, automatización en cultivos, sensorización gandeira, e novas ferramentas dixitais para asesores e explotacións.
O público profesional poderá visitar tamén expositores e demostracións en campo, con tecnoloxías de vangarda como sistemas de alerta en maquinaria agrícola, dosaxe variable en fertilización e sementa, vehículos eléctricos de tracción agrícola e estacións sensorizadas de monitorización de cultivos e coñecer de primeira man o primeiro tractor eléctrico que se producirá en serie en España.
O evento clausurarase cunha sesión institucional que simbolizará o traspaso ao próximo foro, pechando así dous días de intercambio de coñecemento, colaboración e visión de futuro para o campo español.
