Amplíase o programa de emprendemento en bioeconomía StartBEC con dúas novas edicións
Impulsar o emprendemento innovador en bioeconomía para acompañar a empresas emerxentes de base tecnolóxica para validar, desenvolver e levar ao mercado soluciones innovadoras agroalimentarias. Eses son os obxectivos dun programa que promoven o Ministerio de Agricultura e o centro tecnolóxico AINIA e que está dotado con 1,1 millóns de euros
O Ministerio de Agricultura, Pesca e Alimentación (MAPA) vai ampliar o programa StartBEC con dúas novas edicións co obxectivo de “manter o impulso ao emprendemento innovador en bioeconomía agroalimentaria”.
O programa desenvólvese en colaboración co centro tecnolóxico AINIA, e asiste a empresas para que poidan validar os seus sus desenvolvementos, escalar as súas solucións e acelerar a súa chegada ao mercado, poñendo á súa disposición coñecemento científico, infraestruturas e asesoramento especializado.
O investimento conxunto destinado ao programa alcanzará 1,1 millóns de euros para apoiar a novas empresas innovadoras e reforzar a transferencia de coñecemento ao sector agroalimentario. O programa vencéllase a unha segunda adenda ao convenio de colaboración entre o MAPA e AINIA como parte da aposta por impulsar a innovación como ferramenta de mellora da competitividade, a sustentabilidade e o aproveitamento de recursos biolóxicos no sector agroalimentario.
As empresas participantes recibirán acompañamento tecnolóxico para superar as barreiras que afrontan no seu crecemento, como la validación tecnolóxica, o escalado industrial, o desenvolvemento de plantas piloto, o asesoramento regulatorio ou o acceso a infraestruturas científico-tecnolóxicas.
As actuacións céntranse en ámbitos estratéxicos como a valorización de subprodutos agroalimentarios, proteínas alternativas, biofertilizantes e biopesticidas, biomateriais, biogás, biocombustibles ou dixitalización aplicada a bioeconomía.
Dende 2023, StartBEC apoiou a 24 empresas emerxentes, prestou 64 servizos tecnolóxicos especializados, creou unha comunidade de máis de 140 empresas e entidades e impulsou o talento
investigador mediante a Hackathon StartBEC, na que participaron 60 estudiantes e investigadores. Ademais, recibiu o Premio BIOCIRC á mellor iniciativa de colaboración público-privada en bioeconomía.
O MAPA e AINIA destinan 1,1 millóns de euros ás dúas novas edicións do programa StarBEC
A secretaria de Estado de Agricultura e Alimentación, Begoña García Bernal, destacou que “a innovación só xera valor cando consegue chegar ao mercado e resolver problemas reais. Con StarBEC proxectos que comezaban como unha boa idea foron converténdose en solucións con capacidade para responder a retos concretos do sector agroalimentario”.
StartBEC celebrará o vindeiro 17 de setembro unha nova edición do seu demo day nas instalacións de AINIA en Valencia, coa participación da secretaria de Estado. Na xornada, as distintas empresas presentarán os avances tecnolóxicos alcanzados durante o programa.
