Xornada sobre valorización de restos de podas forestais para a obtención de biochar e polímeros para a industria do automóbil

O proxecto FORTEXVAL, enmarcado na Mancomunidade Reserva del Saja, en Cantabria, ten como obxectivo a valorización dos residuos forestais derivados das podas, empregando tecnoloxías avanzadas para transformar estes materiais en recursos industriais útiles.

Durante esta xornada, cada un dos socios do proxecto presentará o seu papel e as actividades desenvolvidas no marco da iniciativa. Ademais, realizarase unha demostración da máquina prototipo deseñada especificamente para a valorización dos restos forestais, un avance clave que facilita a súa conversión en produtos industriais de valor.

A sesión concluirá cun espazo para café e networking, ofrecendo unha oportunidade para intercambiar ideas e debater sobre o futuro da xestión forestal sustentable en España, con especial atención a comunidades como Galicia e Cantabria.

O evento está dirixido a profesionais interesados na innovación en xestión forestal, na bioeconomía e no desenvolvemento de novas solucións industriais baseadas en recursos naturais.

Lugar: CTAG, O Porriño
Data: 29 de abril de 2025
Hora: de 10:30 h a 13:30 h

Axenda da xornada: [aquí]
Inscrición: https://forms.office.com/e/e0qd4kv3WM

Non perdas esta oportunidade de conectar con expertos/as e actores clave no ámbito da valorización forestal e da bioeconomía. Esperámoste!

FORTEXVAL conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO), no marco do Plan de Recuperación, Transformación e Resiliencia (PRTR), financiado pola Unión Europea – NextGenerationEU.