Actividades sostibles do proxecto CAPRIF-CC nos montes de Ancares-Courel
A primeira ruta celebrarase o 24 de maio en Piornedo e abordará a produción de mel e o uso tradicional das plantas
O proxecto Comunidades Activas e Paisaxes Resilientes a Incendios Forestais e Cambio Climático (CAPRIF-CC) desenvolverá ata finais de novembro un programa de 13 actividades sostibles en montes de alto valor natural, organizado pola Asociación Galega de Custodia do Territorio (AGCT).
A iniciativa busca achegar á cidadanía á biodiversidade do territorio e aos seus produtos típicos. A primeira actividade será o sábado 24 de maio en Piornedo (Cervantes), cunha ruta familiar de 15 km e dificultade media, centrada na produción de mel e os usos tradicionais das prantas.
As prazas están limitadas a 15 persoas e poderán reservarse ata o 22 de maio en custodia.caprif@gmail. O 31 de maio celebrarase unha nova actividade no Courel centrada nas orquídeas e os seus hábitats.
Actividades do verán
- 15 de xuño no Courel: “Orquídeas e microrreservas. Visita á microrreserva de Hórreos”
- 12 de xullo en Piornedo (Ancares): “A trashumancia esquecida”
- 19 de xullo en Piornedo (Ancares): “Ruta do meu compañeiro. Recuperando os topónimos”.
- 1 de agosto no Courel: Ruta “Territorio explorado. Coñecendo a aldea de Vieiros”
- 3 de agosto en Vilamor, Courel: Ruta “A paisaxe que nos protexe. O que non arde”
Actividades do outono
- 27 de setembro en Piornedo (Ancares): “O pan, moito máis que un alimento”
- Con data por determinar en Seceda (Courel): “O mel, modelador da paisaxe que coñecemos”.
- 18 de outubro en Piornedo: “Xeoloxía, outro xeito de entender o que somos”
- Con data por determinar en Paderne (Courel): “O souto. Centro de vida. Micoloxía”
- 8 de novembro en Piornedo: “Pola Vila en Piornedo. A vida dentro das pallozas”
- Con data por determinar en Paderne: “O souto. Centro de vida. Probando as castañas”
