FEUGA leva a innovación agroalimentaria e forestal a Abanca Cimag-GandAgro 2025
A entidade presentará na feira os seus proxectos estratéxicos en agroalimentación e xestión forestal
FEUGA estará presente en Abanca Cimag-GandAgro, a VI Feira Profesional de Maquinaria, Agricultura e Gandería que celebrará na Feira Internacional de Galicia ABANCA (Silleda) do 20 ao 22 de febreiro. Na súa caseta, dará a coñecer os proxectos de innovación no ámbito agroalimentario e forestal. ´
Como entidade destacada na xestión de proxectos de innovación, canalizou máis de 6 millóns de euros en axudas para a súa execución, contribuíndo ao desenvolvemento sostible do sector e ao impulso das zonas rurais.
FEUGA presentará na feira proxectos enfocados en:
- Optimización do uso da auga en viñedos (PRERIVID).
- Mellora de chans e sustentabilidade agrícola (ASH4SOIL).
- Modernización do sector avícola (SIMBAV).
- Sustentabilidade no sector lácteo (CLIMALACT).
- Optimización da olivicultura (OLIVITECH).
- Cultivos de cobertura en cítricos (MAXI-CoberLEG).
- Estratexias sostibles en viticultura (UBAVIDA).
- Xestión sostible de bosques e plantas forestais (PLANFORLAB).
- Desenvolvemento de prebióticos e probióticos para alimentación animal (OLIVEBIOME).
Os 9 proxectos forman parte de grupos operativos supraautonómicos, financiados polo Ministerio de Agricultura, Pesca e Alimentación e cofinanciados ao 80% pola UE (FEADER) e ao 20% por fondos nacionais.
Ademais, FEUGA participa en 6 grupos operativos autonómicos cofinanciados por FEADER (80 %), a Xunta de Galicia (14 %) e o Ministerio de Agricultura (6 %). Os proxectos son:
- Revalorización de residuos agrícolas para a industria alimentaria (AGRIRESVAL).
- Desenvolvemento de variedades de chícharo adaptadas (GUIPROGAL).
- Novos produtos alimentarios a partir de soro lácteo (SUEROVAL).
- Agricultura sostible con algas mariñas (BIO_MARTERRA).
- Xestión sostible de montes galegos (MULTI-FOREST).
- Optimización do uso de xurros como fertilizantes (PURINPRECISO).
