A Granxa Gayoso Castro recibe a visita de avaliadores europeos

A Granxa Gayoso da Deputación recibe a visita dun equipo da Axencia Europea que avalia o selo de calidade da Facultade de Veterinaria.

A Granxa Gayoso Castro, xestionada pola Deputación de Lugo, recibiu este mércores a visita dun equipo de avaliadores da Asociación Europea de Establecementos de Formación Veterinaria (EAEVE).

Esta inspección enmárcase no proceso de avaliación da Facultade de Veterinaria do Campus de Lugo da USC, co obxectivo de renovar o selo europeo de calidade que certifica o cumprimento dos estándares de formación veterinaria.

Durante a visita, os avaliadores percorreron as instalacións da Granxa Experimental de Leite, onde os estudantes realizan prácticas fundamentais para a súa formación. A directora do centro, Sonia Verdes, foi a encargada de dirixir a visita.

Verdes tamén presentou o proxecto da nova granxa de porco celta que a Deputación prevé implantar no recinto. A colaboración entre a Deputación e a USC é clave para lograr a renovación deste selo que permitirá que os titulados poidan exercer a súa profesión en calquera país da Unión Europea.