Xornada técnica sobre “Predición de necesidades hídricas do viñedo para un uso sustentable da auga de rega”
O obxectivo deste taller demostrativo é axudar a mellorar a xestión da auga de rega fronte aos retos que expón o cambio climático na produción de uva e viño
O Grupo Operativo Supraautonómico PRERIVID celebrará, o mércores 9 de abril de 10:00-13:30h en Adega Quinta de Couselo (O Rosal, Pontevedra), un taller demostrativo en formato presencial para dar a coñecer os últimos avances do proxecto “Predición de necesidades hídricas do viñedo para un uso sustentable da auga de rega”. Este consorcio nace en 2024 co fin de facer fronte aos retos que expón o cambio climático na produción de uva e viño.
Concretamente, PRERIVID busca mellorar a xestión da auga de rega a través dunha ferramenta dixital que integre datos da vexetación activa, a humidade do chan, os manejos culturais, a meteoroloxía local, e a climatoloxía.
No marco das actividades de divulgación do proxecto PRERIVID, organízase este taller demostrativo na que representantes das diferentes entidades do Grupo Operativo presentarán os últimos avances do proxecto con especial énfase na xestión da rega e o uso de cubertas vexetais no clima atlántico das Rías Baixas. Tamén se presentarán os primeiros resultados sobre o impacto dos tratamentos de rega na calidade físico-química e aromática da uva. O taller pecharase cunha visita a campo e unha degustación de viño. A xornada terá un formato presencial con aforamento limitado.
Participantes na xornada
O taller demostrativo contará con intervencións de FEUGA, a empresa tecnolóxica Monet Tecnoloxía e Innovación, Adegas Enguera, e a adega Quinta de Couselo. Tamén intervirán investigadores do Grupo de Viticultura do Instituto Tecnolóxico Agrario de Castela e León (ITACYL) e o Grupo MedWineQuality do Instituto de Ciencias da Vide e do Viño-ICVV (CSIC, Universidade da Rioxa, e Goberno da Rioxa). Con todo, o Grupo Operativo PRERIVID non se limita a estas entidades xa que tamén forman parte do consorcio a adega Quinta Sardonia e o Grupo Auga e Cultivos do Centro sobre Investigacións sobre Desertificación-CIDE, (CSIC, a Universitat de València, e a Generalitat Valenciana).
Información do evento:
Cando: mércores 9 de abril.
Duración: 10:00-13:30h.
Formato: presencial.
Lugar: Adega Quinta de Couselo (O Rosal, Pontevedra).
Inscrición: aquí (aforamento limitado).
Programa: aquí.
O proxecto de innovación PRERIVID está enmarcado no marco do Plan Estratéxico da Política Agraria Común (PEPAC) 2023-2027, financiado nun 80% polo Fondo Europeo Agrícola de Desenvolvemento Rural (FEADER) da Unión Europea e nun 20% polo polo Ministerio de Agricultura, Pesca e Alimentación (MAPA). A Dirección Xeral de Desenvolvemento Rural, Innovación e Formación Agroalimentaria (DGDRIFA) é a autoridade encargada da aplicación das devanditas axudas. Orzamento total do proxecto: 589.371,54 €, Subvención total: 583.385,01 €.
